Жорий йил 5 февраль куни Президент раислигида ўтган ижтимоий соҳадаги устувор вазифаларга бағишланган йиғилишда бирламчи тиббий-профилактика муассасалари фаолиятини яхшилаш бўйича масъулларга қатор топшириқлар берилган эди (https://telegra.ph/file/e36a5772c21452e4dd8ee.png).

Соғлиқни сақлаш вазирлигида ушбу вазифалар ижроси юзасидан амалга оширилаётган ишлар муҳокамасига бағишланган мулоқот бўлиб ўтди.

Вазир вазифасини бажарувчи А.Худаяров бошчилигидаги ушбу тадбирда Тошкент шаҳар соғлиқни сақлаш бош бошқармаси тасарруфидаги бирламчи тиббий-профилактика муассасалари вакиллари иштирок этди.

♻️ Йиғилишда:
📌 аҳолини тиббий хатловдан ўтказишни жадаллаштириш;
📌 скрининг тадбирларининг натижадорлигини ошириш;
📌 репродуктив саломатлик;
📌тиббий суғурта механизмларини жорий қилиш борасидаги ишлар;
📌 тиббиёт муассасаларини рақамлаштириш ва ўзаро интеграция қилиш каби масалалар атрофлича муҳокама қилинди.

✅ Таъкидланганидек, тиббий хатлов тадбирлари қанчалик ишончли ва самарали ташкил этилса, аҳолини қийнаб келаётган кўплаб масалалар ҳал бўлиши билан бирга, бирламчи тизимда ишлаётган шифокорларнинг ҳам оғири енгил бўлади.

🩺 Аҳоли орасида сурункали касалликлари бўлган ўрта хавф гуруҳини аниқлаш тиббий бригадалар зиммасидаги устувор вазифа экани яна бир бор таъкидланди. Бу борада шифокорларни қийнаётган масалалар очиқ муҳокама қилиниб, уларни зудлик билан ҳал этиш бўйича мутахассисларнинг фикрлари тингланди. Шунингдек, Тошкент шаҳрида тиббий суғурта механизмларини тўлиқ жорий қилиш масаласига алоҳида тўхталиб ўтилди.

❗️Бирламчи тизим масъулларига хатлов жараёнида ўрта хавф гуруҳига ҳомиладор аёлларни ҳам киритиб бориш ва бу орқали уларнинг тиббий назоратини кучайтириш вазифаси қўйилди.

⚠️ Йиғилишда айтилганидек, касалликларни эрта аниқлаш, жумладан, кардиология, эндокринология ва онкология скринингларини ташкил этиш борасида тизимда қатор муаммолар бор. Бугунги мулоқотда мазкур тиббиёт маркази раҳбарлари ва бирламчи тизим масъуллари скрининг тадбирларининг интенсивлигини ошириш ва келгусидаги режалар борасида ўзаро фикр алмашди.

👩🏻‍💻 Бирламчи тизимни рақамлаштириш борасидаги асосий муаммо — муассасаларда локал рақамлаштириш тадбирлари ўтказилган бўлса-да, улар ўзаро интеграция қилинмаган. Бунга эса дастурий таъминот билан боғлиқ бир қанча масалалар сабаб бўлган.

🖥 Эндиликда тизим UZINFOCOM томонидан ягона платформага бирлаштирилиши ва бу дастурий маҳсулот жорий йил март ойида пилот тарзда тақдим этилиши маълум қилинди.